La sagra del buelasso

Riceviamo e pubblichiamo un indignato comunicato stampa.

J’è nè fin a Roma par magnar la polenta co la pajata, sti luamari.

Non ghe bastava, a sti buelassi, le careghete de le banche padane e de le municipalisate. i vol anca el sugo co “er rigatone” come se un morsegoto de bigoli col musso ala mensa de la Cariverona nol fuse bastansa bon. E la puìna co’ i amoli? No ve piasela più? Tuti a sbrodolarse col sugo de Roma.
Ghe voria un bel tortor par butarve zò tuta na terina de verze a la vaccinara, almanco capì cossa l’è el federalismo dal bon. E anca un bavarol par el vostro capo, che no ghe toca a Alèmagno a netarghe l’onto.
Alà luamari, stasi ‘tenti che no ve cata me mare, altrimenti la ve tira un scopeloto che ve rebalta. Almanco ve descantassi un cicinin.
Ocorarìa che tratessi ben i pori veci e le tradissioni de casa vostra, invece de andar a usmar in tel corpeto de le done onti de sugo.
Pensè a darghe una misiadina a la pearà ogni tanto al posto de baiar come cani fora dai coerti e de scondon far baldoria.
A noialtri ne par de star a la sagra del Buelasso, che fa rima con Michelasso quel che magna, beve e nol fa un casso.

Turboleghisti Veronesi

Lascia un commento

Il tuo indirizzo email non sarà pubblicato. I campi obbligatori sono contrassegnati *