"Saludame i butei, chei cuatro mona
che ancora i leva in sel el pugno ciuso
su quel sò macinino un po’ in disuso
co ‘na vecia marmita scoresona;
saludali, ti dighe che mi ruso
adeso sora un tren che core e sona
e fin che lori, indrìo, iè lì a Verona
mi coro nel futuro, a bruto muso.
Dighe che con Velponer e Zerbato
e i butei de na olta a l’ostaria
e Posserle e Zanoto, e can e gato
en fato propio un bel partito novo
e se i te dise "l’è na porcaria!"
rispondi: "speta che spachemo l’ovo" ".
e se i te dise "l’è na porcaria!"
rispondi: "speta che spachemo l’ovo" ".