Se no te ciapi calche scortelà
in giro in centro, ale diese de sera,
e digo sopratuto in piasa Brà,
a sentir calcheduni de la Nera,

te sì stà veramente fortunà;
e par che la sia, sì, na storia vera,
e gh’è ci dise: mejo star serà
in casa, fermi, imbambolè, de çera.

Stà ‘tento, chesto l’è un ponto de vista:
se no te sì un sengalo, un teròn,
un culatòn, n’ebreo, un comunista,

nisùn te tocarà, e g’ò resòn.
Parché secondo mi nei altri casi
l’è na question par pì alenadi nasi.