El pranso sti leghisti e sti prelati…
El pranso sti leghisti e sti prelatiI le fa tuti un po’ a lo steso modo:
Credito forse che i mastega brodo?
O tri galete roseghè dai rati?
Iè sgionfi e iè impenidi de sprisati,
E pieni e duri come n’ovo sodo,
E fin tanto che i bee, i le cata el modo
De far batalia a ci no gà carati.
Mi, seto, mi l’è raro che barufo,
Me vien solo i nervosi, no che rida,
Ma, gh’en catesse uno, ghe dirìa
Da tanto che me incasso e che me infufo:
"To mare la fé na brena vestìa
E l’à t’à cagà da chela borida!"
Posted: gennaio 20th, 2009 under corona.
Comments
Comment from muraro (VI):
Time gennaio 20, 2009 at 10:24 pm
cosa xèa a “borida” ?
comunque, brao l’ombroso.
digheo,
leghisti magnaroni paraculi
Comment from ughy
Time gennaio 21, 2009 at 11:17 am
in origine (http://www.chass.utoronto.ca/…mp;ignoreaccents=1) borida vol dir anca gran quantità, e par questo ghè ci le usa come sinonimo de “grossa cagada mola”, “sbrofa” o parlomeno questo l’è el senso de “borida” nel soneto.
bonalè.
Comment from Alz
Time gennaio 20, 2009 at 7:37 pm
L’è proprio bèla!