Se te passi un giorno par Verona…
Se te passi un giorno par Verona,
amigo mio, che te sì nà distante,
vien a catarme, ghe n’ò propio tante,
de storie da contar; te sè, l’è bona
sta gente de matade, sta sbrufona,
che se ti te le impili tute quante,
te rivi a superar la sima Obante:
dei semi qua se vinse la corona.
A ti dedico queste quatro fole
che vegno a scrìar, cuatro scrimaioti,
par prepararte al pexo, amigo caro,
ché sen riduti propio a un gran luamàro!
No sta credarghe ai quei cuatro Scarioti
che la merda i vol far pasar par bòle.
Posted: febbraio 5th, 2008 under corona.
Comments
Comment from Andrea Danzi
Time maggio 12, 2008 at 5:28 pm
Ciao Butei, vegnio alora al corteo con i padovani e i migranti? Dai che beemo na graspa che lè piasè importante la politica dei morti!
Comment from Ciolli & Malesani
Time maggio 12, 2008 at 5:34 pm
Dai butei, sù butei! Tutti in brà coi neri!!
Comment from Colt(r)o
Time febbraio 7, 2008 at 3:49 pm
eh belo,
ah che no te finisi come puliero a bear goti a cavalcasele col conte.
Comunque… brao…